Skip to Content

Wednesday, September 18th, 2019

陳琪誕8磅子先聲奪人

Closed
by October 14, 2016 General
胡諾言陪着太太陳琪,見證兒子出世。

胡諾言陪着太太陳琪,見證兒子出世。

藝人胡諾言(胡仔)及太太陳琪已育有兩位囡囡芷苓與芷悠,2013年陳琪曾人工流產及出現子宮出血,當時被醫生指再懷孕機會不高,但經過多年努力,42歲的陳琪今年中奇迹再報喜,昨日中午陳琪在醫院開刀分娩,胡仔全程陪實陳琪,終順利誕下三仔Jayden,可喜可賀!

感激太太付出

精靈可愛的Jayden重8.1磅,屬大隻BB,眼及鼻都相當似爸爸胡仔,更是大聲公,喊得非常大聲,生產過後,陳琪及胡仔笑晒口跟BB自拍合照,陳琪生完BB仍非常精神,胡仔則笑到見牙唔見眼!胡仔接受電話訪問時自誇剪臍帶愈來愈熟手,又笑言三個小朋友一個比一個重:「大女7.3磅,二女7.8磅,依家細仔仲8.1磅添!BB仔面色紅卜卜,眼好大,頭髮好多,好大聲,呢樣都係我家族遺傳,我同太太講嘢都好嘹亮!」問到會否再生BB,胡仔直言絕對不會,因今次已是意外驚喜:「我好佩服老婆,佢呢個年紀叫大少少,有風險,佢為呢個家付出好多,我曾經有兩個心願,第一係做個成功藝人,第二係有幸福家庭有三個小朋友,呢個已經實現咗。」他表示老婆會餵全人奶,自己年底才開工,可抽更多時間相陪。

人仔細細喊聲拆天,Jayden繼承了父母的大聲基因。

  • 人仔細細喊聲拆天,Jayden繼承了父母的大聲基因。
生產前夕,陳琪在肚皮上畫了BB的模樣。

  • 生產前夕,陳琪在肚皮上畫了BB的模樣。
陳琪入產房前,與兩女玩網上直播。

  • 陳琪入產房前,與兩女玩網上直播。

兩女放學見證

陳琪表示這一胎佗了37周多些便生產,生B時間亦比預期長,但總算順利,她說:「BB仔好似大家姐,白雪雪,把聲仲好犀利!佢一出嚟我就叫老公抱BB畀我睇!我今次冇喊,因為心情緊張多,生第三胎始終有風險,醫生已經讚我好叻!」

胡仔與陳琪選擇昨日分娩,是因為遷就兩位女兒放學後來見證細佬出世,而陳琪入產房前,更素顏與兩女玩網上直播,芷苓與芷悠不停說話相當搶鏡。

文:影視組

Previous
Next