Skip to Content

Monday, September 23rd, 2019

陳豪拖老婆趕旅行 打風打唔甩

Closed
by October 21, 2016 General
陳豪拖實陳茵媺現身機場,趕住飛享受二人世界。

陳豪拖實陳茵媺現身機場,趕住飛享受二人世界。

黎耀祥、陳展鵬、王浩信、李施嬅及黃智雯前晚現身機場,出發到新加坡出席周六舉行的《星和無綫電視大獎2016》頒獎禮。大隊原定昨日出發,但因颱風關係要提早起程,眾星都表示打亂計劃,要臨急臨忙趕到機場。黃智雯與李施嬅表示出發前要放低手頭工作等通知,講到頒獎禮戰衣,施嬅表示晚裝較緊身,故不敢亂吃美食,智雯則表示露少少性感,是未着過、走高貴路線的款式,她又自爆帶定泳衣及運動衫,邀施嬅一起做運動。

王浩信擔心成屋女人

而王浩信直言打風影響他拍攝劇集《不懂撒嬌的女人》的進度,加上要多留新加坡一天,擔心愛妻陳自瑤與女兒:「我成屋女人呀!而且今次真係大風,好擔心佢哋!(趁機休息吓?)會試吓美食,要搵地膽帶路。」陳展鵬則表示改期反而更舒服:「依家開緊《同盟》,原本由09開到06再上機,但因為要等飛就變相有休息時間。」

黎耀祥到新加坡出席頒獎禮,唔通又攞視帝?

  • 黎耀祥到新加坡出席頒獎禮,唔通又攞視帝?
海馬來勢洶洶,王浩信(左起)、李施嬅、黃智雯與陳展鵬要臨急臨忙提早到新加坡。

  • 海馬來勢洶洶,王浩信(左起)、李施嬅、黃智雯與陳展鵬要臨急臨忙提早到新加坡。
阿姐都敢玩?抵陸永(左)畀嘟嘟打!

  • 阿姐都敢玩?抵陸永(左)畀嘟嘟打!

至於陳豪與太太陳茵媺(Aimee)巧合地在同時段現身機場入閘,一度被以為同樣趕赴頒獎禮,但原來兩人風雨不改的是放下家中三位小朋友出發去旅行,還甜蜜拖手大晒恩愛!近期深居簡出的Aimee戴帽及黑超,見她似乎尚未收身成功,發現記者後更變身「怕醜草」頭耷耷,面對提問只笑而不答。

此外,擔任司儀的鄭裕玲(嘟嘟)、組合農夫的C君與陸永昨日在當地綵排,合照時被要求「影得勁啲」,農夫即搞笑地作狀將手放在嘟嘟胸前,嘟嘟即打了陸永個頭數下,場面爆笑!嘟嘟直言因趕搭凌晨機而相當不習慣:「好攰!好似等咗好耐咁,瞓得一陣,個人浮浮地。」

文:影視組

Previous
Next