Skip to Content

Wednesday, November 20th, 2019

柏豪心悠有緣無份 (娛樂) 2016/04/07

Closed
by April 6, 2016 General

        周柏豪與劉心悠在新片《我老婆係明星》中再續前緣,可以跟女神再演兩公婆,Pakho的朋友們表示超葡萄,但當事人完全無Feel:「因為太熟,冇晒神秘感囉。」心悠亦大讚柏豪愈來愈Man,但同樣無感覺:「因為佢係牢騷王。」擦唔出真‧愛火花唔緊要,拍戲有默契交足功課就得啦。 採訪:方騫平 攝影:謝子豫

髮型:Cliff Chan@Hair Corner(周柏豪)、Eric Chow @XENTER(劉心悠)

化妝:Kris Wong、Jan Chan @Annie G. Chan Makeup centre

服裝:xpx、adidas、IIJIN 場地:Cookology

《我老婆係明星》中,「人妻」心悠為了星途而瞞婚,任娛記的老公周柏豪只能做其背後男人,後來男方發現老婆同電影公司老闆林德信有曖昧關係,兩公婆不斷吵大鑊。所以柏豪同心悠有別過往,拍得好有「火花」。周柏豪作出推介,一場提出離婚的鬧交戲,兩人都拍得好到肉,他憶述:「導演要求一段5分鐘長嘅鬧交戲要一Take過,我哋用咗一個鐘頭時間對稿,當時我真係入晒戲當正心悠係老婆,好介意佢做唔到老婆應有嘅責任,覺得好傷心同失望,由於從心而發真情流露,我激動到喘晒氣,最後一Take過收貨,事後全場人拍掌叫好,我都好期待重溫呢場戲。」自讚做得好之餘,柏豪不忘讚吓「老婆」,「當然,有咁好嘅反應同對手演技有關,心悠嘅母語唔係廣東話,明顯見佢做咗唔少準備功夫。仲有,咪以為心悠係弱質女子,其實佢都好火爆,鬧起交嚟唔輸蝕!」心悠就以挑戰來形容這場戲,她笑說:「可以同柏豪鬧交發洩吓幾好吖,佢反應快過我,訓練到我可以講好啲,柏豪係一個好好嘅嗌交對象。」

眼中的對方無缺點

  互笠高帽後,問到大家有無機會拍拖?心悠大笑:「佢好正,由第一次合作到依家發現佢Man咗好多,不過,佢係牢騷王伯伯!(嫌佢好煩?)又冇話煩嘅,可能年紀問題,佢有好多嘢講,哈!對住個牢騷王可以係優點,亦可能變成缺點,呢個好睇當日心情。」在旁的柏豪撐自己:「可以帶出歡樂喎,同埋令你頭腦都靈活,轉動得快啲呀!」柏豪眼中的心悠絕對唔係港女,因為冇「公主病」好順得人!柏豪笑說:「其實心悠好百變,開始時似隻小白兔,一個天使,原來運動、功夫、騎馬乜都得,等埋位時仲會拎起紙筆以英文寫靈感或者表達心情。佢思想成熟亦都係一個肯正面去解決問題嘅人,同我好啱Key,我哋相處應該冇問題,唯獨係欠缺神秘感,唔啱timing所以冇緣份。」心悠就話,有時唔明劇本內容,如唔明爆粗同粗暴的分別就會請教柏豪,兩人真係最佳拍檔。柏豪說:「大家有嘅係默契,唔係feel,所以拍起戲嚟舒服自在唔會有壓力,冇顧忌。」

Previous
Next